头图加载中...

loading

说走就走----韶关珠玑寻根路(珠玑巷--梅关古道--广州小洲村)

  • 出发时间/2016-02-15
  • 出行天数/2 天
  • 人物/和朋友
  • 人均费用/600RMB

前言

       今次确实系一次说走就走的旅程,由于家里有D事不宜出街,成个年假都系屋企发牛逗,好不容易等到初八开工,烧完爆丈,管理人员话我哋如果无咩做嘅话可以十一先开工!!然后我那个高兴啊!!哦呵呵呵呵呵呵!!谂住仲有两日时间可以懒下!!
       到夜晚,食完饭,去完街,我同只公讲,我仲有两日假期!!点算~然后,佢好配合咁讲“出去走走吧!”我心中暗喜!!呵呵,今次几自觉啵!然后再问下朋友两公婆有无兴趣一齐!!!两PAIR人争论去边度,有人话潮洲,有人话韶关~然后……好吧,韶关咯!!!
       然后,晚上10点几11点左右,踏上了去韶关的旅程~
      

       一路上,畅通无阻,中途系韶关东加咗次油,两点几去到丹霞山景区门口谂住系附近揾酒店住!!结果,好多都无开,唔知系假期已过,还是点~~周围乌灯黑火!兜兜转转!结果我哋都系屈系车上过咗几个钟……而我……一夜未眠!

      第二日六点零钟,我哋揾地方“放水”,兜咗出去加油站,顺便食个早餐,10蚊碗面,大大碗面,自助模式!问咗一下店家,丹霞山有咩值得去,佢居然话“就两块石头”!然后,我哋问埋门票”本地人30块一年,外地人一百多两百“摆明系坑人咖嗜!!!我哋对山石其实无乜兴趣,所以一至决定”走“!
      系路上,影咗旧石头,都算系到此一游啦~~

       然后我哋出发去南雄,事关有朋友系果度,计划去行下珠玑巷!!行程大概一个钟多少少!!

       珠玑巷值唔值得行?见人见志啦!有人认为难鬼巷一条,唔值!!有人认为寻根之路,值得!在乎你价值观同目的吧!!40蚊门票,本地人免费,又系坑人的!!不过我个人就认为值得一去嘅!!
       

影完第一张相先发现,个天好靓,D云好靓!!!心情更靓!!!

同个牌坊合影下先!!

见倒我嫲嫲姓氏的祖屋,影个相留念下吧!!!
可能因为太早去,先至8点几,所以好多祖屋都未开门!!!只系开咗几间而已!!

又忍唔住同D云再影多张相了!!好似一旧旧棉花糖!!

我们一行人,有两个系珠玑巷度卖香的妇女,跟住晒!!目的就系想你同佢买香!!

哩张相觉得好搞笑,其实当时我系度影紧地下嘅石春路,结果朋友叫我抬头!!然后就有了这样一张相!本来已经矮,咁睇仲似小矮人!!

珠玑巷入面,其实还有好多古玩店!!哩D就系其实的两家店~

好多窗花门花床花之类的东东!!咁睇法,好壮观呢~~

仲有好多唔知什么朝代的碟!!!

连本草纲目都有……不过无揭来睇!!唔知会会一揭就几皮嘢呢!!

珠玑巷入面,都住有好多人家,好多小奶狗,哩只小乌嘴好易被人引诱!!一叫就跑过来!!哈哈哈,好可爱~

哩度嘅指示牌系咁嘅,其实我觉得唔系咁清晰!!好混乱!

因为我系苏氏后人,当然要影下哩D历史啦!!!
系游宗祠嘅时候,感觉佢古色古香,书香文化气息很重!你会感觉到与其它宗祠的新颖不同!!!
同祠管倾咗两句,了解到原来苏氏宗祠系95年最早重建。心里突然自豪起来,但同时又系度谂“系咪因为祖屋已经唔见咗,所以最早起哩间宗祠呢!”然后又觉得流汗……

哩个时候,为留芳名,我都捐下钱先!!等到时再去嘅时候,望下我个名有无刻上石碑!!

博物馆都值得去睇下嘅~~有讲各姓氏的历史!!各朝代的文物!!

从珠玑巷出离,下一站我哋去咗梅关古道。
梅岭古道是全国保存得最完整的古驿道,位于江西大余县与广东南雄市交界处,系连通南北的广东境内第一条人工开凿嘅古道。距今已经有一千三百年历史。古道经多次修建,随着粤汉铁路、雄余公路的开通,梅岭古道完成了南北主要交通孔道的历史使命。

望住条路,真系不禁感叹,人嘅力量系几咁犀利!

跟住道士上梅岭因为系朋友嘅朋友,佢系上面夫人庙嘅主持,所以,我哋今趟免费!!

哩个八卦阵,系夫人庙外的!!因为影庙唔系咁好!!借此为证,到此一游!!

哩棵我睇唔出佢系乜嘢梅!!又唔似系黄梅……

一路的梅花,只见哩两棵白梅系寒风中仍然怒放,几靓~~~~

哩棵咁嘅树,点解要叫做东坡树呢?我谂极都谂唔明!!

哩度就系最高之处喇!!!

哩边落去就系江西了!!!俯瞰落去,很感触!!那边的路可能都系人工的!!不过监于我哋已经行到好攰了,唔再行过去了!!!之后往回走!!

我们都在江西合照了一遍!!!!

就系哩个关,最顶之处,过去就系江西,一定要留影!!!

睇下,友友行到连拐杖都买埋!!其实佢系买俾佢嫲嫲的!!做了一回SB行为!!

去完梅关,午饭后我哋去咗韶关市区探另一个朋友,过咗一夜,满血复活了!!饮完茶,了解到周边已经无咩值得我哋去,其实系我哋无兴趣!!南华寺又唔入得去~所以,我哋选择沿国道回程游下!!

当时太阳公公好晒,又无黑超系度,所以,用咗个3D电影眼镜顶住档先,哈,又真系好使好用!!

国道一路上无见几多部车,真系爽歪歪~~

去到汤塘,怀勉一下某君的过去!!!然后再下一站--小洲!

以前睇游记,曾经见过广州小洲村系一个文艺气息好浓的一个村,经过几番争拗,我哋决定来哩度感受一下!!!
可能去得不是时候,好多店铺都未开门,不禁令人有点失望,但系行走在小村里面,时不时出现一间古老石屋或者好有特色嘅店铺,总能让人留连一番!!

哩间叫艺栈嘅,应该系住宿吧,好特别, 不过未开门!!

哩棵应该系木棉花树吧!!!

哩个祠堂里面有人在唱戏,应该系话练戏,可能都系D退休人士的兴趣!!唔知系咪每日都有 人聚集在此呢!!

其实小村里面好似迷宫,让人走不出来,有D路好难揾!!!本想去参观下明代古井,但系跟住指示牌去,居然揾唔倒!!呵呵…………

横街窄巷中偶遇哩两只猫猫,好靓~~一动不动的,还以为系公仔添!!

小洲哩个地方,很清静,很适合闲逛一日,如果你想散心,哩度绝对系个好地方!!里面应有尽有!!
行下睇下,坐下食下,好快时间就会过去!!
我仲未行够哩度,希望下次过离再认真的去逛每一条路!!!

旅程到哩度,将近结束,最后我哋去埋19涌,食埋晚餐~~然后踏上归程!!!
每一趟旅程都有唔同的感受,只在乎与谁一起,远近并没关系,只在乎心情如何!!!

唔知下一次嘅旅程,目的地会系边度~~
期待……再期待!!!!

本篇游记共含2468个文字,85张图片。帮助了游客。 举报
返回顶部
意见反馈
页面底部