头图加载中...

loading

两家6口冲绳游

14
🐷Karen🐷 (广州) LV.5
2016-02-28 00:36 866/12
  • 出发时间/2015-10-12
  • 出行天数/5 天
  • 人物/带小孩
  • 人均费用/10000RMB

出发前1日

    带住2个分别10个月同3岁既小朋友,从计划到出发一共用左3个月,咨询咗朋友既意见。睇咗N多攻略终于成行!
    广州香港,响香港住返晚,食返个大餐再出发香港E餐是放题2个钟任食

DAY 1

    早上11点几既飞机,一早就要搞掂小魔怪既一切所需用品,8点从屋企直接打的去机场!HKD200+。去到机场好容易就搵到登机柜位,由于我地是买商务舱机票所以有贵宾优惠航空公司既员工服务好好啊,人生第一次行红地毯办登机,办完登机梗是去机场个翠华食个早餐先啦!由于食得太耐我地享受唔到航空公司VIP休息区既设施真可惜
    美味既头等舱餐饮,我就食唔落,因为要填入境卡填到晕晕地!食龙肉都无味

   经过3个钟既飞行,终于响当地时间下午3点左右到达OKINAWA,排队过完关之后一出机场之前预定好既的士同WIFI就已经响机场既到达大厅等候我地啦!我地既的士是酒店派过来接的,由于酒店同的士签咗协议所以我地打的既费用会俾直接打的平咗好多,而且岛国人民真是非常热情同有礼貌。我带住2个大箱1部BB车。WIFI就响出发前在某宝上面订车既时候一齐订埋,WIFI信号超级好,去到北部都完全无问题。而且电池超级耐用基本上1日都唔需要充电!
    第一晚我地就住响美国村既坎帕纳船酒店,酒店正对住有名的北谷公园,北谷公园最靓既就是每日既日落,欣赏日落简直一流!稍事休息后就去咗旁边一间名叫“冲绳料理”既店里面食咗个晚饭,价钱真心不便宜。出品一般!酒店附近就是美国村,购物娱乐食饭样样都有!附近有吉之岛步行过去都不过10分钟非常方便!第一日到冲绳既活动就此结束,我BB习惯早睡,而且我怕她认床所以早早就陪佢入睡。真心觉得日本的设施非常人性化每间酒店都有BB床提供真心方便!虽然为咗机场到酒店既交通问题导致我几次打长途电话到酒店同店员沟通但是店员都非常有耐心帮我解决问题。大家的英文都是鸡同鸭讲,最好还好有一个会中文的帮我解决所有问题!

DAY 2

   由于带住BB 我地选择咗响美国村住2晚,那霸住2晚!第二日起身天气非常好我同BB响美国村附近闲逛,顺便去药妆店扫下货!朋友介绍E度既大国药妆店是全冲绳最平既。所有好多香港人同台湾人会专程开车黎买,事实证明我到那霸之后真是发觉就算是连锁店价钱都是美国村既最平。
    闲逛咗一阵之后汇合埋赖床既老公同朋友一家,就去美国村口准备食饭,朋友介绍村口对面有一间外表其貌不扬既拉面店,里面拉面超好食,旁边有一间专门食海鲤鱼刺身的店全冲绳只有1家,还有对面的大众寿司店。但是由于拉面店同刺身店当日都定休,搞到我地只可以选择寿司店。去到食唔到咁正既拉面同刺身真是可惜。如果要去既朋友记住E两间店每星期都是星期二定休。不过隔壁寿司店既寿司都唔差。超级新鲜!老板每日早上出海打渔,当日打到咩就食咩,我地食咗成20多碟寿司,埋单以为要过万,最后竟然6千找数,真是抵食到烂!

早上既美国

其貌不扬既拉面店

我地既午餐寿司店,新鲜好味,抵食

冲绳唯一既海鲤鱼刺身店

行咗半个钟先搵到西松屋,梗是要去扫货啦

有名的冲绳雪糕

酒店10楼既浴场,男女分开望住日落海滩浸浴简直无得弹

付费按摩椅,对住个海黎按摩200蚊10分钟

冲绳限定特别版可乐!连我们既地接都话我地犀利竟然俾我地买到

日落海滩!靓!

美国村内各种特色小店

晚餐的饭店

晚餐铁板烧和牛真心贵而且唔饱

我住既房旁边有个在建工地,无噪音,无灰尘而且早上开工之前仲会组织员工做早操,真是贴心

附近就是嘉手纳美军基地,早上每10分钟就会有美军战斗机响头顶飞过!型啊

DAY 3

    第3日响冲绳早上食个早餐,退咗房,等之前预定好既车黎接我地去1日游!我地今日既行程是美之海水族馆——万座毛——琉球村——那霸市区酒店
    某宝上订既10座车3万8小时,当时汇率平均1500RMB算是性价比比较高既地接。其他好多地接1日8小时10座车既车资都要4万以上。WIFI都是同一家店订60RMB 1日,1台WIFI可以连5个设备,微信、face time都完全无问题
    司机早上9点准时响酒店门口等我地是一个睇上去有60岁既日本伯伯。佢净是识简单既英文,我地从酒店出发去水族馆首先行高速直达,高速费自负。停车费自负ps:冲绳大部分景点停车都是唔使钱既!!!真心高兴,竟然旅游景点既停车场唔使钱响天朝谂都未谂过咯~~~大概2个钟左右就到咗水族馆,司机伯伯人很好带我们入到水族馆范围,由于等电梯人太多仲帮我将BB车从楼上搬到地面,3层楼架!之后话俾我地知边度睇海豚表演,边度参观水族馆。我地开始准备响水族馆范围里面个自助餐厅食午饭,伯伯话人好多而且唔一定有位,佢叫我地唔好响果度食,佢会带我地去食又平有好食既午餐,我地当然举脚赞成啦由于午餐时间2个小魔怪非常捣蛋所以午餐图片欠奉。不过果间唔起眼既小店是我甘大个女以来食过最好食既猪脚既地方。因为我从来不吃猪脚的,分量够大,味道简直一级棒。埋单4个人4个套餐再另外加咗一碟大猪脚先4千蚊有找。

终于搵到一张中午食饭地方既相

    食完午饭继续下一目的地“万座毛”路途中梗是免不了做一件大事,训觉

    上面的图片就不多解释了,一个字靓咯!而且小女子文笔唔好,就费事献丑了!
    参观完万座毛之后,下一站:琉球村。只上图不解释了!
    

    琉球村参观完之后就结束我地今日既行程,启程返那霸市区!入住酒店,今次应朋友老婆要求一定要住好既所以订咗凯悦住2晚。1500RMB1晚。E间凯悦7月先开业,开业唔到3个月所以好新好舒服!而且离国际通不过5分钟路程,平和通商业街转个弯就到了!绝对是旺中带静

一班可爱既幼稚园小朋友出外活动之后返学校中!真是好有小丸子既感觉

    登记入住之后跟住既问题就是搵食啦!上网睇咗N个攻略之后发现花笠食堂是每个到冲绳玩既人必去既地方,甘梗是要去试下啦!花笠食堂就响平和通商店街里面,我地转个弯行落去睇住手机地图好快就搵到啦!

图片同实物完全一致,分量足价钱平

食完晚饭之后就响国际通随便逛咗个圈,就返酒店训觉咯!我屋企位老板同另外一位老板梗是唔放过夜生活啦,走咗去酒店20几楼既酒吧饮返2杯!

DAY 5

   早上起身响酒店食个早餐之后,原本今日无行程既朋友老婆就可以去DFS疯狂扫货,点知佢老公突然话要去首里城逛逛喔,甘我地就唯有一齐去咯!
   酒店行去搭有轨电车不过5分钟左右好方便,买咗张2DAY PASS就出发啦

    搭电车去到总站按照指示牌步行咗差不多半个钟终于到首里城,攰到呕!已经无心机再行,随便逛逛之后就搵中午食饭既地方了,上网睇点评话国际通既第一牧志市场太商业化了无咗好多当地特色,所以我地决定搵过另外一个市场去食新鲜既鱼生“泊鱼市场”
    

我地从首里城打的去用咗1600蚊。去到话好多当地人会去既于市场!果然不负众望,刺身新鲜选择多,特别是烧鳗鱼简直是非常非常好食!到家阵都仲怀念紧当时既味道

好味到停唔到口既烤鳗鱼同大大只元贝

食完午饭,跟住就返酒店,从鱼市场返酒店打的唔使跳表500蚊左右啦!稍事休息之后就陪朋友老婆去DFS扫货!我纯粹做陪客,不过最后都少有收获!最要多谢既梗是我老板啦!

由于朋友一家响DFS疯狂扫货,我地1家3口就响附近逛百货公司,晚饭就各自搞掂!我地随便搵咗间拉面店食咗就算啦!因为已经太攰了!行既动力已经无晒

   晚饭之后返酒店途中经过便利店发现便利店旁边既消防设备竟然干净到发光的!仲有就是用一部小面包车改装成既小酒吧!晚上就停响路旁边摆2张台在人行道上面。
   突然回忆起之前响西松屋买野果日,我地响西松屋门口既饮料机买饮料。有个维护员啱啱响度帮台饮料机做维护,见到佢装好零钱之后就用布擦机器,起码擦咗3次,连旁边既垃圾桶都擦埋,而且仲要跪响度擦垃圾桶!果种敬业精神真是非常值得敬佩!

DAY 5

    最后1日响冲绳了,早上起身照就响酒店食个早餐,执好晒行李退埋房,我地就去食午饭!食完午饭之后就直奔机场准备回归温暖的家!今日既午饭就是去人气超高既拉面店“暖暮拉面”!我地11点几去到已经要排队啦,店长话起码要等半个钟,一场黎到梗是等啦!点知到我地食完走既时候排队排得仲夸张,排最后既人起码要等1个钟啊!
  

   食完午饭,返酒店攞埋行李我地就去机场等飞机啦!今次终于可以去到航空公司既VIP休息区享受一下!

冲绳机场仲有一个专门既送机区,可以俾小朋友响室外睇飞机升降

     下午飞机延迟咗一阵,我地顺利登机甘就就结束咗5日既冲绳之旅!希望下次再有机会去玩

    搞掂咗上面N多图片既简单攻略之后,终于可以写返D对旅行有用既资料啦!希望帮到大家!
机票:我既是自己上香港航空官网订既3200+HKD商务舱1个人(等同头等舱)BB票减半啦。ps:如果各位要带未满2岁既小朋友去官网上是无BB票           订既,你只可以打电话去人工客服订可以即时拣埋座位   我地一家3口机票一共7200RMB   朋友一家是土豪佢地机票响广之旅订当然比较贵
           而且佢地机位是去到登机再安排既唔可以自己拣
酒店:第1/2晚酒店  美国村坎帕纳船酒店   广之旅订,正好当时广之旅有特价700+RMB一晚四星。BOOKING上是1K RMB一晚  可以要求吸烟房             同BB床而且每间房都有阳台   
          第3/4晚酒店   那霸凯悦  BOOKING订  1500RMB一晚五星   。BOOKING上订可以免费取消而且到店先付款,我地去到用银联俾钱,唔使用          VISA非常好   酒店无阳台,无吸烟房
签证:全程广之旅办理800元/人  有工作既返公司攞营业执照副本或者机构代码证复印件就可以   无业既就要翻户籍所在地居委开证明仲要去街道             盖章  每人10W现金担保。有房产证或者有车者可以提供会方便审批。打印近半年既工资流水账。最好有基金或者股票投资账户提供。
租车&WIFI: 淘宝上搜“冲绳每天游”   租车1天1500RMB  高速公路费100RMB  WIFI 60元/日*5=300RMB
其他费用:水族馆在酒店前台买有9折    83*2=166RMB    大概数按当时汇率计
                 万座毛免费  
                 琉球村去便利店买有9折        60*2=120RMB
                 机场至美国村酒店的士费     190RMB   要酒店帮忙约的士先有优惠
食既费用我地就无点计了因为两个家庭一人俾一餐!反正都是可以接受既范围内,but某D餐厅都是偏贵。好似第一晚既冲绳料理同第二晚既铁板料理都分别要800RMB一餐但是真心唔太饱,搞到我地返酒店仲要食杯面!

     终于写完人生第一份旅游记录!以前去玩既全部无写以后有时间逐一补返。现在又准备下一次既行程甲米

本篇游记共含4423个文字,164张图片。帮助了游客。 举报

像个相册,有没有介绍?

2016-02-28 15:18
正在参与蚂蜂窝拍卖行
我也去看看
2F

2016-02-28 18:49
正在参与蚂蜂窝拍卖行
我也去看看
3F

引用 🐷Karen🐷 的图片:

2016-02-28 20:49

赞!互赞一个吧!

2016-02-28 21:54

引用 qiuqiu 发表于 2016-02-28 15:18:04 的回复:

像个相册,有没有介绍?

回复qiuqiu:還沒寫完!詳細信息之後會列出

2016-02-28 22:34
此评论来自蚂蜂窝自由行APP蚂蜂窝自由行APP

引用 好逑M丶io 发表于 2016-02-28 18:49:08 的回复:

回复好逑M丶io:妳想知道哪方面資料?

2016-02-28 22:38
此评论来自蚂蜂窝自由行APP蚂蜂窝自由行APP

引用 好逑M丶io 发表于 2016-02-28 18:49:08 的回复:

回复好逑M丶io:妳想知道哪方面資料?

2016-02-28 22:38
此评论来自蚂蜂窝自由行APP蚂蜂窝自由行APP

只看图片不过瘾啊!

2016-02-29 10:55

引用 zhaidonggang 发表于 2016-02-29 10:55:38 的回复:

只看图片不过瘾啊!

回复zhaidonggang:努力寫作中

2016-02-29 12:59
此评论来自蚂蜂窝自由行APP蚂蜂窝自由行APP

看不明白字啊

2016-03-02 00:58
此评论来自蚂蜂窝自由行APP蚂蜂窝自由行APP

引用 Free*。恋妍 发表于 2016-03-02 00:58:24 的回复:

看不明白字啊

回复Free*。恋妍:對不起啊!習慣用廣東話表達

2016-03-02 22:33
此评论来自蚂蜂窝自由行APP蚂蜂窝自由行APP
正在参与蚂蜂窝拍卖行
我也去看看
12F

2016-11-16 11:59
返回顶部
意见反馈
页面底部