头图加载中...

loading

2016.1.19-2016.2.10 馬來西亞沙巴.巴厘島.普吉.清邁之旅

7
tinakam922 LV.3
2016-03-07 22:17 236/5

又出發

大三寒假,我同昌繼續旅遊,實現讀萬卷書不如行萬里路計劃.
                                     ---------------------------------------------------------------------------
1月19號------- 出發
8:00PM 香港沙巴KUTA
-既然夜晚飛,又唔想曬船飛$$,所以約左JNUF香港友仔出黎食中午.
好耐冇見毛毛,曾B啦,今次A強都有出黎,估唔到旅程第一餐就要食東南亞野喇HAHA
-大概12:00AM到KUTA, 再一次黎到馬拉,感覺好熟悉,一啲陌生感都冇
基於早上8:00飛機轉去仙本那,所以我地19號晚就留係機場過夜喇.
依次亦都係我咁大個女第一次    係機場過夜.
一晚落黎,話辛苦呀?又唔算喎,只係記得機場只係開燈同風扇. 明明夏天,但都好凍.
但我有寶.我有咩都幫到我嘅寶.
仲有M記.總算訓到.
                                   ----------------------------------------------------------------------------
今次旅行,唔係單單的純玩,我地有一個重要嘅行程,就係學潛水.
我發夢都唔會諗到有一日我會去左學潛水,而且係學課程要考試戈種.
一開始諗都驚驚地,因為之前浮潛見到周身魚都嚇到半死.今次仲要落海底世界,真係有咁大玩咁大.
但青春就係咁咖啦,咩都要嘗試下,唔試下又點知岩唔岩你喎!
                                  ----------------------------------------------------------------------------

潛水

1月20號-------沙巴潛水日記
朝早大概11:00, 我地幾經飛機,車,終於到左潛水店.話攰唔攰,
但當聽到潛店負責人話今日晏就1:00PM就開始要上理論課
即時覺得好攰.
唔理咁多,填飽肚先.
真係冇諗過一開波就咁攰.放緊假,突然間又理論哈哈係有啲難接受,仲刺激過坐過山車
間房又要2:00PM先有得CHECK IN ,晏教都冇得, 直接開波!
因為我地MISS左朝早的學習時間,所以要趕進度,一趕,就係趕4個鐘嘅視頻教學.
咩滋味?你試下,琴晚訓得唔好,跟住要你4個鐘連續  好留心咁睇電視.
我中途頂唔順 訓左兩三次.平時上堂都少訓教 ,但今鋪真心激,哈哈
出奇,昌竟然撐住左.
我地有一個小伙伴 就係二狗喇.
第一印象 傻傻下 唔敢相信佢係自己一個人黎學潛水.

4個鐘電視就完?你就想. 6點幾,過隔離課室同同期學習的小伙伴集合, 一齊去碼頭裝備庫 認識同學組裝潛水裝備
教練,伙伴 第一次見面,感覺大家都係後生仔,正!! 佢地後來已成為我人生中一輩子都唔會唔記得嘅好朋友, 
所以, 不得不作一個人物介紹  
                                    三位教練,   後生到出乎意料
       Todd    我同昌的貼身教練  廣州人 長期漂流外地從事潛水教學. 黑黑實實唔太高, 一睇就係0靚仔一個,點知原來結左婚
       小寶     第一句就好直接 冇表情 問你睇完理論視頻未嘅女教練 第一印象? 惡囉! 
                    後來熟左,發現佢係一個講得笑,一D都唔嚴肅嘅靚女好身材黑富美  哈哈
       小凡     第一印象 做咩有個半馬拉半華人小朋友 係到走黎走去, 原來係教練
                                     五個小伙伴  原來唔後生
       薇薇     一個第一眼感覺好健壯的女生,心想,嘩,一定係成日做運動戈種. 
                    後來發現---- 不完全正確
       怡辰     組裝裝備戈陣, 最快的女仔 吸引左我望過去 .佢都係Todd教,同我地一組.第一眼,好似都係後生女喎
                    後來發現---- 河南工業大學 鋼琴教授 & 媽媽一名.
宗雪&大凡   知道係一對情侶, 咩都問咩都笑 ,幾搞笑的一對. 肥肥的,第一眼覺得都係大學生拍拖黎玩.
                     後來發現---- 夫婦一對
       二狗      第一眼 大學生一名吧.同我地年齡最相近 搞笑傻氣充滿佢成個人.
                     後來發現---- 好啦,今次終於接近估中  ,北大研究生一名. 暨大的表示有壓力
        
潛水裝備簡要    BCD 氧氣筒 蛙鞋 浮潛面具 保暖潛水衣
連續四個鐘電視再加組裝,真係唔係講笑,攰到一番去,沖涼,秒訓.
                                  ----------------------------------------------------------------------------

住宿: 超級無敵好的漁人碼頭客棧,比我想像中實在好太多.
                    一開始係網上訂的時候,連一張相都冇得睇,100%驚中伏.點知,100%驚喜
                    客棧就係漁人碼頭即係出海的碼頭戈到,位置絕對係一流.
                    房間唔大,但干淨企理,住得舒服又安心.每日早早起身都唔怕,因為一落去就係集合地點.
                                  ----------------------------------------------------------------------------

1月21號-------出海學潛水第一日
之後4日係出海學習嘅時光.每日7點半碼頭集合出發去我最愛的  最親切的 永遠最美的 "軍艦島"
第一朝,7點半準時食好早餐係碼頭等伙伴同教練.
大家都好準時.坐上3號快艇,  拎齊裝備, 出發!!!
20分鐘的船程, 當見到軍艦島的一刻  
"嘩.....................嘩...........嘩......................."
一遍漸變藍係我眼中慢慢由模糊變清淅. 靚到形容唔到. 感覺冇形容詞可以形容到依個小島嘅靚.
慢慢已經到左睇唔到深藍色只見到一遍藍綠色嘅岸邊
係依到,每次上島都要簽名. 簽完美之後, 我地就著好裝備準備落海喇
                        1.檢查所有裝備,裝好已開的氧氣筒上BCD ,檢查二級頭同備用二級頭出氣係咪正常,BC管,殘氣表等等 
                        2.配重帶戴好,著好BCD,扣好快卸扣,調好調節帶,整理好所有管
                        3.嘗試充氣以確保BCD一切正常
                        4.戴好浮潛鏡
                        5.拎好蛙鞋,身體背對海面坐到船邊,著好蛙鞋
                        6.咬好呼吸管,左手壓住浮潛鏡,右手護後腦.
                        7.確保海域安全無人無物, 身體往後傾, BOOMMMMMMMM!! 
唔知有冇漏呢,但大同小異啦~
第一日,我地學左各種基本潛水技巧
中午休息的時候,我同薇薇都有D暈,完全食唔落飯,明明食左暈浪丸但都係有D不適.
後來我頂唔順,見船同岸距離都唔係好遠,我就游過去岸
第一次游海,目測明明好近,但游起上黎真係唔係你估.
昌擔心我冇飯食晏就冇力學, 所以佢將盒飯放上救生衣到,一隻手游一隻手捉住件救生衣. 
幫我將個飯送到岸邊. 感動..
而薇薇因為太唔舒服,所以Todd帶住佢游左去岸邊休息.
戈日中午太陽好猛,我地坐左係大樹枝下  唯一的陰位食飯.
薇薇都係食唔落,我地傾左一陣,原本佢本身天生心臟有問題,所以可能會特別不適.
而佢一直堅持跑步去調理強心.
我同昌聽到心臟有問題嚇一嚇  即刻叫佢唔好學了. 
係我食飯嘅同時,有一段小插曲: 突然有好多馬拉人上左島,係我坐嘅樹枝後面唔知做咩
有好多小朋友  其中有個小妹妹見到我食緊飯, 就行左黎我後面,
好尷尬咁望住我笑,  伸出佢嘅小手, 意思應該係叫我比飯佢食.
突然覺得好心酸, 一個咁細嘅小朋友  係依個21世紀 冇飯食.
我想俾佢, 但昌話唔好, 因為萬一佢食左唔舒服就大獲. 
唉, 到依家都記得拒絕佢嘅感受 係幾咁冷酷 .
休息完番到船上, 接二連三 宗雪話太辛苦唔學, 怡辰本來就驚水 又要退出..
心臟病,忌水都黎學,真係令我同昌佩服到五體投地.
最後,經過第一日的洗禮 , 剩下我一個女仔同三個男仔繼續學.
                                      ----------------------------------------------------------------------------
 1月22號~23號-------潛水日子
每日6點幾起身,4點番到客棧的學習生活,其實辛苦過番學.
早又早過番學起身,番學有時都話冇8點堂呀...
好彩嘅係,之後號幾日都好順利,天氣好,教練好,狀態好,個人心情都好D啦!!
每日都會學一D基本技巧,之後潛落去練習,之後過關,之後越潛越深去探索海底世界
印象好深刻係有一次學技巧落水練嘅時間,一條好嘔心嘅彩色魚唔驚人趕佢都唔走,想靠近隻蛙鞋.
嚇死寶寶咩!
話咁快,經過幾日嘅學習同考試,課程就咁就完左
我地終於,係2016年1月24號 成為一名OW DIVER!
一切 一切都好值得.一生難忘,價值遠遠不止2000幾蚊.

食飯: 晚餐去邊搞店? 追浪潛水中心附近都算地段好,行出去5分鐘有野食.
                再行出D 有好好好好野食. 有一條海鮮街
                其中一間叫漁港 教練介紹 相當不錯!! (沙巴菜一定要食呀!)
                仲有肥媽都幾好食.
                                     ----------------------------------------------------------------------------

本篇游记共含4387个文字,0张图片。帮助了游客。 举报

没拍照片吗lz?

2016-03-08 12:22

2016-03-08 13:46

我還沒寫好還沒插照片的各位抱歉。本來不打算分享所以寫成這麼差,抱歉

2016-03-08 15:51
此评论来自蚂蜂窝自由行APP蚂蜂窝自由行APP
正在参与蚂蜂窝拍卖行
我也去看看
4F

2016-03-09 08:25

很实用的帖子,要是图文并茂就更好了

2016-03-14 14:51
相关目的地:   马来西亚   沙巴
82751张照片
返回顶部
意见反馈
页面底部