头图加载中...

loading

【青岛】慢 · 漫

29
June Lam (广州) LV.12
2016-06-26 11:39 2529/6
  • 出发时间/2016-06-09
  • 出行天数/3 天
  • 人物/一个人

选择去青岛无咩特别的原因,无筹谋已久,亦都无做咩攻略,就系谂住去随便逛下……总之,就系挂住果种“在路上”的感觉,虽然三日好少,但可以在工作夹缝中出走,都系觉得好满意~

可以假装在德国咩?

久闻曾被租借德国青岛系一个美丽的地方,留低好多德国的遗筑,因为未去过德国,于是我亦曾妄想青岛会有住德国的影子……
来到青岛的第一感觉系,空气好差,雾好大,湿气好重,连对面马路的高楼都睇唔到,同广州最潮湿的果几日一样!啊!我要睇日出日落的计划真系冻过水啦……
好喇,先去拜访下德国的遗筑喇~

昔日的胶澳总督府,而今好似都系政府机关的所在地,只能外观,唔俾入内参观……不过个样都几架势……呢个总督府周围都有好多旧建筑,就系租借的遗址,同广州的沙面好似~

德国总督府系典型的德式建筑?其实我唔系好识分,不过呢个总督府真系同江苏路的基督堂好似,难道呢个黄色墙,红色瓦,一块块石头装饰在外面的设计,就系德国产物?——至少我在意大利无见过哈哈哈!

但系呢个基督堂实在系太多人来影婚纱相啦,一个小小的广场,居然有四五档在影……密集程度简直超过总有一间在咗紧的意大利教堂的密集程度啊,谂落都几奇怪,我反而无见过意大利的教堂前面有人影婚纱相,点解呢?

然后天主堂又系一个影婚纱的聚集地,边欣赏建筑,边见到一对对新人各种摆摆摆,啊,真心有点奇怪……在非圣母耶稣领地的中国,居然有咁多人热衷于在教堂前面影婚纱,因为“靓”?嗯,至少我认为系咁~

睇教堂,令我真系好难唔谂起意大利,虽然咁样真系好衰……文化唔一样,无可比性……不过呢个天主堂反而好似广州的石室,唔系咩,又可以来张头上两只角啦,哈哈!

花的天堂

实在不得不吐槽一下公众假期的旅游,实在太多人啦啦啦啦,有个咩出名一点或叫得出个名的“景点”,都系一堆游客或新人围住啪啪啪……于是,在闻名遐迩的万国建筑群八大关风景区,建筑就无点影到,花花草草就影咗一大堆,哈哈哈!想必青岛好适合种花花草草!

不过花石楼真系一个杰出的设计,各种唔同的石头砌埋一齐,感觉好精巧!

大关的建筑好注重私隐性,几乎都系院落式的,建筑都被围墙围起来,再加上茂盛的树木,要一睹风貌真系唔容易,偶尔傻瓜机先可以利用细小的身形偷入围栏……唔怪得有开放的花石楼同公主楼会咁多人……

大关确实系一个理想的居住地,依山傍海,花草树木样样靓,真系应该带吉他来!

寻迹在街边

相比起全山东人都围住拍婚纱的各个“景点”,我更中意睇街边果d唔系“景点”的建筑……呢度的人系点样同文物建筑相处的呢?系围起来粉刷一新变成景点,定系自然而然咁继续原来的用途?我觉得有点可惜的系,景点翻新得太新净,而继续用途的就贴上各种奇怪的招牌……

然后仲有一d失落的……

不过仲系会发现一d相处得唔错的遗筑!

例如邮电博物馆,而家仲可以寄嘢架!

又例如大学路的咖啡一条街!将外国人的旧房子变成饮咖啡的地方真系最合适不过啦!果日本来中午想去食鲁菜,但太多人,咁啱路上遇到一间旧房子咖啡店,就入去解决午餐,于是仲可以慢慢叹添~

乱逛的路上仲遇到某国领事馆遗址改建的青舍,嗯,第一反应——饮杯咖啡先!

旧房子就好似咖啡,可以品尝,唔中意翻新过的遗筑,就好似唔中意加咗糖的咖啡,苦系一种味道,旧亦系一种味道,何必要去改变呢种味道呢?就好似老城区的横街窄巷,先系广州的味道一样!

海啊!

海,可以让所有的心事消散……青岛三日,日日都见到海!而且海仲系如此千姿百态……

第一日,晴……

第二日,阴……

第三日,雾……

傍晚的五四广场美得出乎意料!

傍晚的奥帆中心,系行程中最优哉游哉的所在!

而最靓的magic hour,居然系在机场的临别时刻!突然果刻唔舍得走,于是,灰机就delay啦啦啦啦!!!!

后记

青岛,唔多唔少都系崇洋媚外的虚荣心作祟,来青岛探寻帝国主义留下的“荣光”,其实我同所有游客一样,在“荣光”前面啪啪啪……
青岛就系青岛,唔系因为有德国的碎碎影,就可以假装在德国……或者德国遗筑只系一个卖点,用来满足游客的虚荣心……确实唔能够要求当地人好似Siena的当地人一样同呢d旧建筑自然而然咁相处,入侵者留下的建筑同祖先留下的家本来就唔一样……

但其实,我觉得青岛已经系一个十分自然的地方了,呢种自然唔单止系环境上的花多、海岸多、车厘子多,更加系心境上的,如果唔系就唔会有咁多疗养院~

不过海鲜多同车厘子多实在太美好啦!哈哈哈!

突然觉得,青岛最自然的地方竟然系湛山寺!虽然无大慈恩寺的气派,甚至比唔上六榕寺的香火,但小小寺庙居然有咁大的藏经楼,然后我仲系第一次听到诵经的声音,隐世,大概系咁样的吧……

本篇游记共含1827个文字,128张图片。帮助了游客。 举报

图不错,有什么故事可以听听吗?

2016-06-27 10:55

引用 凡晨 发表于 2016-06-27 10:55:12 的回复:

图不错,有什么故事可以听听吗?

回复凡晨:回来之后加班加通宵了

2016-06-27 14:27
此评论来自蚂蜂窝自由行APP蚂蜂窝自由行APP

图不错,有什么故事可以听听吗?

2016-06-27 16:26

2016-06-27 22:36

引用 杨zuo木 发表于 2016-06-27 16:26:07 的回复:

图不错,有什么故事可以听听吗?

回复杨zuo木:哈哈哈旅行就系一种体验~~~~

2016-06-28 09:10

引用 sean 发表于 2016-06-27 22:36:17 的回复:

回复sean:

2016-06-28 09:10
返回顶部
意见反馈
页面底部