头图加载中...

loading

仙本那之旅 发现世界的角落

18
Lady Super (广州) LV.3
2016-09-11 23:40 409/3

其实系3月份已经系亚航订了机票,可能因为提早半年订,感觉的机票其实唔算太贵。
1.深圳亚庇 {1:55 -- 17:30}具体时间就唔系好记得了,大概就400几一个人,包含左税费,而且亚航用支付宝付款收取大概3蚊噶手续费。另外解释下点解要系深圳飞,因为当时我地订噶时候系广州出发好贵,成千蚊一程,所以就选择左较尽噶城市飞-深圳,系淘宝订左车去深圳,450蚊,直接系你屋企楼下车你,我地4个人share,所以就唔算太贵。

2.亚庇斗湖 {20:05 -- 21:30} 呢成就唔会好贵,大概就116一个人,全包。其实我地系亚庇斗湖落机都已经5点半,落机要过关,搞搞下就已经系6点几了。系亚庇落机当然要买电话卡,如果一星期可以选择25马币有5G噶流量,已经可以share比另外一个人,姐系发热点。网速去到斗湖或者去到出海,网络有D唔系好稳定。HOTLINK 呢个系当地噶电话卡。

到酒店啦,酒店名叫Ocean Inn, 虽然我唔系住水上屋,但呢间酒店都系海上面,下面就系大排档饭店雪糕店。其实住水上屋好贵相对来讲唔方便。我都系宁愿每日出岛,得闲去下夜市超市。

第一日,出发去体体穷小孩,因为当时准备两个行李箱噶旧衫比距地,由啊wing姐姐,周君姐姐,汪婕姐姐,pantent姐姐捐赠噶衫衫。距地超级中意,抢住要~敦沙卡兰海洋公园,称仙本那群岛公园。呢个敦沙卡兰海洋公园大概600米,虽然我平时唔系好经常运动,所以真系一路上休息左好多次,呢个真系好原生态,有野生猴子,蛇,甲壳虫。。。
上到300米,男友就话不如你放弃,面青青 。。。。NONONO!我系唔会甘容易放弃,我一定要爬到的

第二日,深潜出发!呢日系我第一次深潜,首先教练会叫下能一D基本技能先,然后试落水大概7-10米左右,第二次先会去深D噶。Andy教练好专业,而且好有海洋环保意识,距唔比我地去点D海洋生物,摸下都唔可以,不过总体来讲都好专业,好nice。

第一日去左好多游记都会提到噶肥妈果度食,感觉超级贵,可能因为出名噶原因。个老板特别窜,态度好差,其实旁边都有好多大大小小噶大排档食海鲜,而且价格好公道,可能网络水军都帮肥妈做传销,所以肥妈特别多人等位。当我5点去到噶时候问有无位置,距话要等当时食紧果围埋单先可以坐 ,后来6点落到去都未买单,距话未埋单都系未得住。ok~!我无所谓,要等位都正常,系广州等位系家常便饭。
我:有无位置可以比我地坐系度等?老板
老板:无啊,我果时候已经同你讲左,你要等果围买单先可以,我无话过你一来就一定有位置坐。
(我心林,叼~我问你有无位坐系度等人埋单姐,你话无米系咯)
坐低左laR~过左大概半小时左右~
我:老板,可以上菜未啊?(我5点几来噶时候已经点菜 了)
老板:我已经同你讲要等1个半钟或者以上,我无话过你坐低就上菜噶喔 

我第日已经无去呢间野,太窜了,但真系唔系特别好食,重点系特别贵,系成条街最贵~

后来去左张记两日,张记噶老板好好,本身距系开平人,识讲普通话,广州话,马拉话。。。
而且当地人sale一D特产噶时候,距叫我地唔好买,因为质量差。其实都岩噶,因为当地人开价180,我地还价还到50,距二话不说就话肯买比我地。而且老板仲好好人,送左几只生蚝比我地尝试一下,叫我地食山竹会清热,山竹噶皮可以拿去晒干然后冲水饮,对身体有清热作用。重点当你唔够当地噶现金,距地可以微信支付。老板已经做左4代~~~ 




第三日,去马布岛同卡帕莱!遇到当地噶穷小孩,可能见到我拿住一叠衫,不过我首先比无着衫噶小朋友先。生下来就比晒距地,水上屋系就系靓,但始终感觉贵而且无必要住系岛上,岛上有烧烤食,但因为距唔好似5点就唔可以入岛同出岛。

返会亚庇了,当然唔可以少得噶就系尝试肉骨茶。亚庇参加左淘宝噶懒猫一日游
去体萤火虫同长鼻猴,不过来回要4个钟噶车程,我建议下次去要gaya街,会方便好多,有药房有佑记肉骨茶,去到当地可以尝试用uber啦,大众点评呢D知名软件。走噶时候行左IMGO 商场,买左个海上清真寺噶星巴克杯左留念,好靓,好喜欢杯上噶清真图案,最后翻广州噶时候仲可以见到广州塔顶,亚航系广州塔盘旋了一周。正~~之前去泰国觉得泰国好靓,但泰国已经好商业化,去完仙本那先可以感受果种同海龟一起游泳潜水噶感觉真系好奇妙,就你隔离就有一只巨大噶海龟~!见到好穷噶小朋友,帮到距地都好开心,每个人拿住我地呢D来自于发达城市淘汰噶衫都好开心果个表情,真系好难忘。果边对多有4个老婆,可以生好多小朋友,可以见识海蛇,唔同品种噶鱼 ,感受当地唔同噶文化,见识到当地友好噶导游同司机同教练,距地每一个好用心去服务,尽量满足游客噶需求,而且当你感觉到失望,见唔到海龟噶时候,距会尽力去氹你开心,带住你去寻找海龟,甚至自己去扮海龟,多谢andy教练,helmi导游,sufri司机,我下次去噶话真系好有冲动去考一个真正噶潜水牌。其实世界上总有那么一个角落系属于你去努力奋斗与寻找。

本篇游记共含2039个文字,112张图片。帮助了游客。 举报

挺不错,也想去看看。

2016-09-12 12:02

这个路线安排的挺好,手动点赞

2016-09-12 15:26

2016-10-09 16:28
返回顶部
意见反馈
页面底部