头图加载中...

loading

原来我的人生也有这一段: 48小时100公里

💪🏻翻左十个几月山/17+次训练/累积400+公里路程,除左发圈圈记录每一次的进步,无再用任何方式记录一路以来的心路历程。


💪🏻肥妹决定写篇重度懒癌人士从来未写过噶旅行游记,等以后有机会可以拎翻出来同屋企人一起笑下当年噶自己(我唸我要打印出来至得)。

第一次操山,第二日竟然落唔到床!

2016年2月27日,第一次跟住班阿姐&大佬级超专业人士开始左我噶行山之旅。

眼金金咁系后面望实人地d装备,透气运动短袖;防水防风风衣;轻盈+超fit登山包;厚底登山鞋…

再望下自己,绒面厚外套,贴身保暖打底衫,装满晒零食噶书包…

仲有盒放系队友书包焗到酸左噶糯米糍(咩左大半个山头先发觉酸左,悲惨壮烈牺牲葬身垃圾桶)…

第一次上山就操跑山,带住满载零食噶沉重书包,非常之有节奏咁跟住班大师跑山练心肺(内心独白:点解一d都唔似春游😫)。

对于我地哩d平时净系摊系屋企张沙发噶懒癌病患来讲,第一次高度训练让肌肉膝头受到前所未有噶负荷,乳酸波涛汹涌咁上晒全身,膝头半月板受到拖拉机式震荡,何止痛咁简单,系好鬼死痛!!! 

(各位观众切勿模仿,平时无运动,一来就搞埋d咁噶大野系唔岩嘎!

落斜坡路噶时候千千万万份冲动想直接碌落去算了,因为双腿真系痛到仿似唔属于自己(>﹏<。)~。麦理浩径第九第十段,21.6公里4个钟头56分钟,跑+行晒…

由于行完山后无听话拉筋放松肌肉,导致第二日瞓醒,肌肉酸痛荣升几级饱受折磨。我知道自己醒左… 但系,我!翻!唔!到!身!啊!唔好话落床了

因为自己乱咁着衫去行山,搞到运动时热气无法散开而内谷(简称中暑),第二日返工撇下撇下都算了,做野做到一半又屙又呕翻到屋企发埋烧

真系唔行都唔知自己咁孱… 😵

以上反面教材,只供警惕各位,唔好学我乱鬼咁来,对身体实在系一大伤害。

无悔参加,因为得到太多

讲起点解会参加,个故事真系有排讲,只可以话哩次真系集天时地利人和于一身发梦都发唔出噶机会!

足足十月怀胎噶时间,翻山越岭重复又重复咁操练。香港麦理浩径12345678910段,400+公里数,上千级楼梯,几十座大山。

去年今日,无办法想象自己一年后会做出d咁噶事!🌝

每次行到山顶,大地在我脚下江山尽收我眼噶快感,瞬间忘记晒所有生活中噶烦恼,芝麻豆豆噶小事根本就不足挂齿。
壮阔的天空,无边的视野,相比之下,渺小的自己真系无需放大晒生活中任何的烦恼捆绑自己,杞人忧天,闷闷不乐。

只要你肯挨,一切所谓的不幸都会过去

于此同时,肉体上噶收获更令人惊喜不已:

粗壮结实的双腿,着短裙时块状的肌肉线条尤其清晰明显
第一次行到爆晒后腿窝噶毛细血管,圆润肿胀的手感,实在美妙
最新款黝黑分层的熊猫色系双臂&双腿以及后颈椎造型,难忘不已 

以上纯属搞笑但千真万确,毫无夸张成分。哇哈哈哈

❤️但,更真切噶体会到:
原来户外远足氛围系哩个大都会系咁浓厚甚至狂热!见到一班阿姐大叔(50~60)行山比自己仲快;跑马拉松易过食生菜,真系觉得自己无理由再成日屈系屋企玩手指,做埋d人地老左都唔做噶事。

甚至会去鼓励自己爹d妈咪用正确噶方法锻炼肌肉保护自己关节,话俾佢地知其实佢地仲系可以参加好多因为怕受伤而放弃噶运动。

团队力量发挥系上来,系会好劲抽。二十几座山,一百公里,三十几个钟头,无左班support系每个定点送水送大餐,真系唔知点搞。

每一次噶support陪行,佢地会鼓励你、鞭策你、教导你、照顾你。扑街中暑气喘不适头晕作呕钟眼瞓,一次又一次,帮你,帮你,再帮你。

(🌟集星级保姆教练医疗资质于一身,佢地全部都系历年施乐毅行者经验人物/香港日本马拉松爱好者🌟)

人最大噶敌人,往往都系自己。因为怕辛苦,怕痛怕酸怕晒黑,曾经几千几百万次心中自导自演内心戏说服自己中途退出,放弃比赛。

因为同伴噶鼓励家人噶支持+死忍死顶逼自己挨过去噶念头,最终让坚持小天使一次次击败放弃小恶魔,得以令到自己无中途走佬,坚持完成训练。

2016乐施毅行者48h100K

乐施毅行者,一项极具挑战团体活动,始于1986年,参加者必须四人一组于48小时内横越100公里之麦理浩径+其他接续路段。

无错!48小时之内有得食但无得瞓!完成100公里山路!十个月特训就为左哩一日。
100公里山路 = 系珠海广州之间放20几座大山。

届时将会有千位世界各地登山爱好者一起参与。(当然包括我地哩队两岸三地噶小队伍

2016/11/18-20 香港站,除此之外2016毅行者已经从1月开始于世界各地巡回举办多场活动(法国、澳洲、西班牙英国日本, 等等)。

💡世界著名&香港最大型远足慈善筹款活动。筹得款项系中国内地、香港亚洲其他地区&非洲资助和推行扶贫救灾工作。

真真正正身体力行做善事

我地翻到屋企可以舒舒服服摊系到,食雪糕玩game睇剧等食饭;难以体会灾难冲毁家园噶悲惨…… 
(个脑补一下画面,就顶唔顺😣)



我地基本不愁食住,挥霍起身自己都唔知自己买左d乜…一杯星巴克,一餐海底捞,双十一系咁易忍住少买一对鞋(或者留翻下次再买)你就可以用你噶小小力量帮助到更多你无法想象身处贫穷惨绝可怜噶同胞。🙏🏻🙏🏻🙏🏻

🙏🏻对,无错,我地需要你地噶支持,哩到无郭美美,只有一班来自世界各地热爱远足+善事噶朋友。



最后,0097女子队多谢各位睇完长气连篇噶分享,希望小小噶体会可以带俾你地一d茶余饭后噶欢乐。

世界太大可以做噶事实在太多,爱惜和发挥你健壮噶身躯💪🏻,多做一点令你开心又帮助到人噶事情,人生岂能停于脚下哩一步❤️~ 

❤️捐款渠道:转账到肥妹mj微信/支付宝
(097队伍最后会将善款总额上交乐施会机构)

💡每一笔超过100蚊以上噶善款,大会都会向捐款人出具💡发票收据和💡官方邮件感谢信。

❤️官方网站:www.oxfam.org.hk
 (更多内容详情可浏览乐施会官网)
❤️谢谢各位,肯花时间睇到最后
❤️么么哒~🙏🏻
❤️11月18-20号,比赛见~ 

图片分享

本篇游记共含2361个文字,30张图片。帮助了游客。 举报

 支持~~

2016-11-09 20:22

有好心情就有好风景。

2016-11-09 20:25

厉害👍支持这种活动

2016-11-10 11:54

支持有恒心的活动~!酷

2016-11-10 12:00

我们已经顶了

2016-11-10 23:01

好样的

2016-11-10 23:02

靓女我们支持你,好样的

2016-11-10 23:03

好精彩呢O(∩_∩)O~求跟楼主互粉~~

2016-11-14 10:53
返回顶部
意见反馈
页面底部