头图加载中...

loading

2016年的國慶——陽朔+龍脊梯田

13
nico1e LV.4
2016-12-17 21:03 391/2

DAY 1 廣州到陽朔,下午游銀子岩

由於今次是帶兩個老人家和ocean出遊,所以提前一個月我就訂好了高鐵票和酒店🏨,本來打算3號出發去陽朔,但一早就冇曬高鐵票了!所以唯有4號一早出發,8號回程

由於今次嘅行李好多,因為帶個小朋友出行真的不容易,一個24寸嘅行李箱+20寸嘅行李箱裝得滿滿的!ocean見到要求幫忙拉箱,真的大個了!可以幫手了!

大概12點我哋先從陽朔的高鐵站出黎,高鐵站去陽朔還有一段路程,出左高鐵站我哋就馬上轉中巴,中巴系從高鐵站去陽朔嘅,20蚊一個人,1米2以下兒童好似免票

大概2點先到陽朔,呢個時候個肚已經不斷叫了!我哋落車之後當然直奔客棧放低行李先,因為行李真系我哋前進嘅沉重負擔

我哋今晚嘅客棧——記憶旅行,系蟠桃路的大地酒店後面,位置交通很方便,而且之後我哋7號搭大巴去龍脊梯田也好便利

第一站:銀子岩

本來打算開電單車去嘅!但兩位老人家都唔放心,因為旅途比較遠,而且國慶搞到成個陽朔都系滿滿的車,西街附近簡直塞到行都行唔郁!最後我唯有打左部滴滴,司機一上車就問我哋回程要不要接我哋回來,仲問我哋訂了門票未!又系一系列推銷,結果最後以150蚊來回,最後想想旅途確實遙遠而且等了我哋兩個多小時,也是值了

裡面真的很大,可能我哋幾個都系拍照迷,所以人哋用兩個小時就逛完嘅銀子岩,我哋卻用了差不多三個小時才逛完!連滴滴司機都等到唔耐煩,打了幾次電話給我,可惜系洞入面系冇信號的,所以都系事後才知道他打了好幾個電話給我

翻到酒店附近穩左間大排檔解決晚餐!點左幾個陽朔嘅著名菜色——啤酒魚、田螺釀,不過都覺得嘛嘛!可能廣東人口味比較清淡!回程的路上滴滴司機也講,其實陽朔本地人系唔中意食啤酒魚的,呢個菜色都系有客捧紅的!

填飽個肚就打算翻客棧休息一下了!始終今日都搭左咁耐車,ocean同兩個老人家都攰了!呢個就系今晚我哋嘅房間

趁佢哋沖涼嘅時間我當然要去一樓問清楚老闆娘點樣自己坐車去興坪游灕江,仲有點樣去興坪古鎮喇!好彩自己搭車去都唔系好複雜,路線都比較清晰,順便再問一下去世外桃源的搭車路線,因為講真,今日包車去銀子岩真心覺得貴。而且我覺得果個滴滴司機其實唔系好似廣州嘅滴滴司機咁沖單數,其實佢哋系利用滴滴呢個平台拉客,跟住私底下交易,我就是一個好例子!提前將我嘅單結束,話按錯了,叫妳俾翻現金佢,其實系有意這樣做的!經呢次包車,我就更加想自己搭車,雖然陽朔交通真心唔方便,但我相信我可以去到目的地嘅!

DAY2 興坪古鎮+十里畫廊

一早起床,系客棧附近食左個早餐,基本系陽朔每日嘅早餐都有桂林米粉,不過唔知點解我覺得陽朔嘅桂林米粉都很一般,唔會特別好食!

早餐過後搭公交車去汽車南站再轉中巴去興坪,話說中巴系陽朔的主要交通工具之一,所以去隔離鎮的都系搭中巴,而且陽朔嘅中巴都系自己包黎做嘅,不是政府的!呢個同廣州好大唔同!

就系搭呢架中巴去興坪的

到左興坪,其實一早已經知道ocean上唔到竹筏,但始終抱有希望,希望可以上到!點知去到售票點,真的不能上,要麼夠1米2身高,要麼要年滿7周歲,ocean兩樣都唔夠,出到門口見到一堆黃牛黨,話可以帶我哋上竹筏,不過要350蚊,而且係游中間的一小段,好似有小小希望,唯有相信喇,佢話要11點半先可以去,因為中午工作人員落班,好喇,我哋就系附近逛一下先,點知夠鐘嘅時候,俾電話佢,竟然話唔可以上,話小朋友太細,就因為咁浪費左我一個几鐘!得知唔可以上之後,打算去興坪古鎮行下,順便食個中午飯。

只能去碼頭不能上竹筏,一個系呢個旅程嘅一個遺憾!

下面呢個姑娘系度編織緊圍巾,好得意,我哋都幫襯左一條

呢個系好多遊記介紹嘅「老街坊餐吧」,最熟悉都系老闆娘果句“我老公煮的菜很好吃的!”

我覺得口味一般,不過佢哋嘅桑葚酒真系好好飲,ocean都試左几淡,由於地方比較細,所以好多時候都系拼台,而且人手不足!可能平時嘅客人不多,國慶突然湧來一大批客人,所以應接不暇!價錢還算公道!填飽個肚我哋又再啟程,既然冇辦法搭竹筏游灕江,咁唯有打算搭遊輪喇,因為都叫游過吖嘛!

頂住個大太陽☀排左20分鐘隊,告知,所有票賣曬喇,冇得搭遊輪了!又一次失望!一萬只草泥馬在心中跑過!又出現了一個黃牛阿姨,又話可以帶我哋去搭竹筏,,好啦,信多一次啦,即將出發時,又話ocean太細唔可以!真係玩野咩?夠高度我一早都帶左佢去搭喇,仲要穩妳咩!經過一個上午嘅折騰,我已經徹底對黃牛黨失望了!以後都唔信佢哋了

我哋又搭翻中巴翻陽朔,因為打算抓緊時間,游一下「十里畫廊」,上天都總算眷顧我哋,落車之後見到部觀光車

我哋就系開住呢部車游「十里畫廊」,由於媽咪有開車經驗,我也有車牌,我哋好快就出發了,呢部車真系好適合我哋,無論大細還是價錢!開住佢兜風好爽哦

十里畫廊確實几靚,不過現在太商業化了,所以缺少了一點大自然的風味

由於我哋自己兜風,所以仲發現呢個環境優雅嘅地方!好舒適!

由於開住呢部車,實在太過癮了!一直玩到天都全部黑了!我將兩個老人家放低系飯店開位,點菜,我就同ocean繼續兜風!夜晚嘅「十里畫廊」連路燈都沒有,所以其實都几危險噶!而家霖起我仲帶住ocean夜晚兜風,都算几大膽咯!

玩到大概八點,就翻去食飯了

食完飯,見仲有時間,就打算去西街行一下!不過可能真系由於國慶期間,好逼人囖,我哋行左一陣,真系頂唔順了,決定都系放棄,早點回去休息吧!

今晚嘅客棧,陽朔觀景閣客棧,要系呢度住兩晚

DAY 3世外桃源+遇龍河漂流

今日都系食桂林米粉,早早將個肚填飽,之後就搭5路車去汽車北站,然後系汽車北站轉中巴到「世外桃源

呢個就系呢兩日都食嘅十蚊自助餐

食完早餐大概九點,我哋就行去搭公交車🚌,今日的第一個目的地系「世外桃源」,初中時候學過一篇文章就系《世外桃源》,陶淵明寫嘅。今次專登系帶ocean過來睇一下,呢個地方我在2009年的時候已經黎過,不過印象已經好模糊了!我哋嘅坐車路線系:搭公交車去汽車北站,再轉中巴,系中巴系「世外桃源」門口落車!所以搞清楚點去,其實一點都不複雜!

呢個「世外桃源」系根據陶淵明的文章仿建嘅,入到去可以搭小船,模仿陶淵明的路線發現世外桃源,我覺得呢個過程几有意思嘅,所以記得一定要買包搭小船的門票🎫,不然會後悔的!

一路上都會有人講解,雖然知道系假的,不過系几有意思,仲几靚添!遊完船,就開始逛岸上嘅野喇!其實世外桃源併不大,逛半個小時就基本行完了!

行行逛逛,出黎已經一點半了!唯有系附近穩間餐館,填飽個肚子,因為我哋一早系攜程訂了遇龍河的竹筏票,所以時間都几緊逼的,而且如果去到,太陽已經落山的話,影相都唔靚了!好彩一早就問好點搭車去遇龍河,食完午餐就馬上出發,搭中巴去到白沙鎮紅綠燈下車,轉另一部中巴入遇龍河。

我揀左遇龍河漂流最長果一段:金龍橋到舊縣。

剛入去的時候發現人不多,可能已經系國慶假期尾的關係,筏工同我哋講,今日上午仲好多人的,下午就一下子少了!3號和4號更加誇張,有的人排到晚上九點才可以坐!

由於我哋三點還是有一點太陽,所以我哋要求開一下太陽遮,筏工表示不是很願意,當我哋俾了小費之後態度就馬上不一樣了!所以小費是省不得的

一路上同筏工嘅聊天,發現遇龍河漂流真的冇黎錯因為人工竹筏,而且景色優美!灕江的竹筏系電動的!

中途旅遊景點嘅公司會幫我哋拍一次相,目的當然就系想我哋買相喇,我哋覺得一場黎到,而且影得都几好,就買左八張了!瞬間做左大客戶!買相嘅時候仲發現我哋個筏工好體貼,竟然躲起來了,相片都影唔到佢嘅!其實筏工都好慘嘅,因為佢哋每一次咁辛苦的勞動,一個多小時的路程,只有40几蚊收入,我哋一張門票280几蚊,大部分都落入左政府個袋,再一次覺得中國的黑暗!

紅色衫嘅就系我哋嘅筏工喇,佢仲俾左支水槍ocean 玩,ocean 不知玩得几開心😊!

大概兩個小時,到達舊縣,亦證明遇龍河漂流就要結束🔚了!好彩我哋系國慶的後期先黎,如果唔系就唔可以細細欣賞遇龍河咁美麗嘅景色了!本來打算系舊縣租單車踩翻客棧的,因為單車可以系西街附近還的,點知一問價錢,一部單車要20蚊,我哋租兩部要40!跟住包車司機竟然話50蚊翻西街,二話不說當然坐包車喇!講真,單車如果唔系咁貴我真系會踩嘅,點知佢價錢有D 貴囖,所以我就選擇舒舒服服左包車喇!

翻到酒店附近有間石鍋魚,打算入去試一下,一查,原來有團購,而且價格88蚊!馬上落單

食飽,就早早到客棧休息了!因為聽日要一早出發去今次旅程最期待的龍脊梯田。

4、龍脊梯田

早上又去食左一個十元自助早餐,九點登上大巴,出發去龍脊梯田,本來以為12點左右應該到了,點知司機實在開得太慢,去到都差不多兩點了,一直怕ocean 會暈車,好彩佢都堅持到。落車第一件事又當然系食飯喇!

就系呢間飯店食飯,味道唔錯,下面仲有條小溪,重要嘅系老闆娘個人好好,之後我哋搭纜車🚡去第三觀景台「金佛頂」時,仲幫我看行李!

上到去開始仲有小小陽光嘅,點知慢慢個天開始黑了,我哋抓緊時間行一下,順便留影,龍脊梯田真系好靚,好壯觀,以後有時間要再離住一下

天開始黑了,我哋依依不捨咁搭翻纜車🚡落山,龍脊梯田只有第三觀景台可以搭纜車🚡,其他都要行路或者包車去,今晚我哋系第一觀景台的美景樓住,而且仲俾我訂到298的陽台家庭房,10月5日呢間房仲要700蚊,因為7號系最後一日嘅假期,所以價格回落正常,咁嘅價格訂到價值超級幸運。店主系我出發前就髮左路線圖俾我,教我一直點樣行上山,店家告訴我大概要行1小時!但事實我哋卻用左2小時,因為有老有小,又一大堆行李,所以比較慢,再次覺得自己是一個女漢子,因為行李真的好多,不過是我堅持要行上去的,所以自己選擇的路,跪著也要走完!天慢慢黑了,而且下着雨,路很滑!但ocean 真的令我出奇的意外,因為這麼長的路,他一直是自己走完的,而且一路上還扶住他的嫲嫲。

條路十分難行,ocean 小朋友都拖住嫲嫲一直前進,完全冇扭計,真系令我好感動,每個見到ocean 嘅路人都為佢點讚,表揚佢嘅行為

條路十分難行,ocean 小朋友都拖住嫲嫲一直前進,完全冇扭計,真系令我好感動,每個見到ocean 嘅路人都為佢點讚,表揚佢嘅行為!平時系廣州ocean 行半個鐘就會話好攰,系呢條咁難行嘅山路可以堅持2小時,真系大個仔了!

越行天就越黑,我哋唯有用手機的電筒照住條路,真系步步艱難哦!大概7點15分,終於到左今晚嘅酒店🏨「美景樓」,之前系遊記都睇到話「美景樓」嘅飯菜唔錯,一場黎到當然要試下喇

點左一個一雞兩食,個🐔雞湯都几清甜,不過我最中意食嘅都系竹筒飯仲有個糯米酒,到而家我都仲係度回味,ocean 飲完個糯米酒都十分喜愛。食飽飽之後我哋就準備休息了,因為打算聽日起身睇日出🌅,好多遊記都寫話龍脊梯田嘅日出🌅好靚,我又邊有可能會錯過呢

今晚我哋住嘅觀景陽台房

美景樓美中不足嘅就系隔音好差,我簡直冇訓過覺,俾隔離果間房嘅鼻鼾聲嘈到訓唔到!所以早早就起身等日出🌅了!

雖然呢日嘅日出🌅唔系好靚,而且比較遲,可能系因為琴晚落過雨嘅關係吧

白天嘅龍脊梯田,十分壯觀,美美噠!可惜我哋要趕時間翻去,下次一定要黎呢度好好休息一下,度假一番

我哋房間嘅陽台

滿山都系金黃色嘅稻穀,好靚!好舒服!10月8號后農民就要開始收割了!所以今次黎得十分合時!

早上八點,開始踏上翻廣州的旅途,呢個系我哋包車落山嘅司機,系一間旅店的老闆哦

呢個系我系高鐵上影到嘅晚霞,呢一日睇左日出,睇左晚霞,好滿足了。亦印證著陽朔之旅嘅結束🔚

本篇游记共含4554个文字,110张图片。帮助了游客。 举报

一次认真的记录,很真实啊,感觉就在眼前了。

2016-12-20 11:25

謝謝😊😊

2016-12-20 19:27
此评论来自蚂蜂窝自由行APP蚂蜂窝自由行APP
返回顶部
意见反馈
页面底部