头图加载中...

loading

日本大阪開心自駕遊。

46
Martin LV.14
2017-02-15 18:43 202/2

因為太遲先決定去日本, 機票價格不便宜, 平果D回程要坐凌晨機, 因為會同屋企人去, 本身冇諗過去得成. 點知響出發前一星期, 香港航空居然出特價飛, 去程時間係晚機, 但回程係正常時間的16:50, 價格不過係26XX包稅. 二話不說即係BOOK機票, 響初五出發.因為會同父母去, 所以選擇了自駕. 今次係同豐田RENTACAR租車. 因為有朋友響香港揸RACTIS, 我也坐過, 估計4人連行李都冇問題, 所以租車時就揀左呢款車, 因為估大阪不會有雪,所以冇揀雪軑, 點知就係因為咁出左事.響日本自駕係好方便的事. 因為車一定有配GPS. 而因為會去遠路, 所以租埋ETC同ETC卡. 響呢間公司租車, ETC卡同雪呔係要響你租車後再EMAIL CONFIRM的. 因為冇考慮會見雪, 所以只係CONFIRM了ETC卡.HX去程上午機係用A320細機, 位不多, 而平飛只有下午機揀到, 所以只能揀. 飛機係黃昏起飛, 大阪時間2230到. 航班準時到. 而飛機餐有驚喜, 真係幾好食。

大阪機場的租車公司除了一間之外, 其他都唔係24小時. 眼見公司都係收11點, 估計落機係囉唔切車, 所以會先入住機場酒店, 第二朝先返去囉車. 不過原來豐田係有LATE/EARLY PICK UP/RETURN, 如果佢地係等得既,其實先囉車會比較方便機場入面只有日航酒店, 有一小段窒外既路要行過去. 價格不太平. 所以揀了響近機場的STAR GATE HOTEL. 因為時間關係, 只能坐的士去. 一出TERMINAL, 可以找到短途的士站(睇漢字不難認), 車程幾分鐘, 費用連橋費要4000YEN.

STAR GATE係附近最高既建築物, 價格係800-1200左右, 房間SIZE非常合理. 作為一晚酒店很理想. 另外早上有提供FREE SHUTTLE去機場。

CHECK IN CHECK OUT都好順利, 眼看天色不錯, 想像會是順利的行程. 點知去到機場囉車, 天色轉變.....居然仲有小冰丸....即係上年最凍果幾日, 我響香港見到既雨加雪. 即刻問......其實要唔要雪呔架?
職員問我會去邊, 我話會去丹後....佢面色一沉,話果度係佢家鄉, 仲響INTERNET SHOW張路況上俾我睇, 係冰天雪地......話冇雪呔係very dangerous....., 最慘係佢手頭冇雪呔車俾到我...唯一可以做既係響第二度調架車, 不過架車會細過我BOOK既RACTIS, 叫PASSO, 即係同香港既ECHO同級....

響無得揀的情況下, 只好接受. 好彩係行李夠入, 不過有一個喼要放後座中間。

囉車時有雨, 點知出發時又見天晴.

CHECK OUT後沒有直接去第一站的目的地京丹後, 而且去了酒店隔離的OUTLET. 其實父母都唔係SHOPPING人, 所以只係走馬看花, 同埋去左呢一間去醫肚, 之後就出發去下一個目的地, 去食間人蟹。

今個TRIP最擔心就係呢一段路, 由關西機場全程去到目的地大約3個半小時. 今次去日本, 對GPS最大的感覺係好似唔夠SMART, 指路方面也不太UPDATE. 唔知係唔係因為架車係平車, 所以GPS都差D. 我響香港本身有買上網卡, 用了DOCOMO的4G任用, 基本上大城市冇事, 而且全程聽903都冇問題, 不過有時上FB, SEARCH野都唔係快, 下次應該會試下其他卡.

因為怕有雪, 所以租了雪呔, 架車細左錢多左行車又嘈D。

但可以話係好彩, 成段路有見雪, 但已沒有雪呔限制. 成程車都好安全未試過冼呔. 
當俾錢買個安心。

好多人話去日本點降要租車, 但如果你係有小朋友, 有老人家, 租車一定係方便好多, 如果本身係鍾意自駕遊, 日本絕對係一個合適的地方. 
唔好理人地話泊車費貴定會塞車. 情侶後生辛苦下無壞, 同老人家, 租車係不二之選。

今次去呢間吉野家 Shorenkan Yoshinoya, 如果坐火車係轉到頭都暈, 未計要老人家拖住個喼同響幾度既環境下等車....
也因為租車, 老人家話好方便。

我本身唔係好特別愛食蟹, 但家人鍾意, 所以貴一貴也要試一次.
今次揀了呢間算係出名同耐歷史的, 相片沒有影太多, 反正網上都有一堆油雞. 
問了一下老細, 佢話有唔少香港人來, 國內人倒不常見, 正!

要留意既係食加住相對不貴, 因為只係食都差不多價格, 可以當成住宿係送俾你的.
另外來的千萬不要食最平的放題, 因為放題不是用間人蟹, 咁遠水路來無理由唔係為食間人蟹.
而佢個MENU都有幾款俾你揀, 就算係最細果款, 已經夠一般人食到好飽!

酒店有溫泉, 好傳統. 但不要期望太高. 水溫不是太熱, 泉水係會RECYCLE的
但如果想體驗傳統日本風味, 呢間野一定OK, 其服務及人情味係非常之濃厚!

MISO, 以為指味噌, 原來指蟹黃, 勁鮮甜!

朝食

間人蟹其中一個特點, 係只有11月到3月先食到, 其中2月係最肥美既時間
而罕有係因為只有呢5隻船可以捉, 以保護生態環境
有生之年帶到父母來, 雖然價格一D都唔平, 但很值得。

食完間人蟹同早上的一頓超美味既早餐, 就出發去下一站, 琵琶湖因為開左一條新既京都縱貫自動車道, 所以GPS又係冇顯示, 我揀左跟路牌行.
由於見時間尚早, 去了一轉三井OUTLET行一行街。

本身不是SHOPPING人, 所以只係行左2小時就回程. 由OUTLET去琵琶湖其實不太遠, 但其中一揀了過橋, 沒有ETC之餘仲要塞車, 結果時間花了近90分鐘到了酒店, 仲見到好天色的湖景。

CHECK IN果日係驅鬼日, 有送個面具同豆俾你. 呢間酒店響當地算大, 有多外國遊客, 所以日籍職員識流利英語外, 仲請了兩位台灣妹妹仔招待講中文的人客.溫泉不錯同夠大, 而且有好多面部試用品俾你玩。

食野都係懷石, 不過味道當然同間人蟹有大分別, 當然價格也差很遠
其中最特別係呢度會食琵琶湖特色....錦鯉SASHIMI

唔知就話...知道後響覺得係怪怪地。

日本, 當然係瞓和式, 家母因為怕瞓地下難起身, 所以俾了佢西式。

本篇游记共含2526个文字,19张图片。帮助了游客。 举报
正在参与蚂蜂窝拍卖行
我也去看看
1F

引用 Martin 的图片:

这个是什么饭啊?

2017-02-16 15:20

引用 狗剩儿 发表于 2017-02-16 15:20:05 的回复:

这个是什么饭啊?

回复狗剩儿:蟹黃飯😋

2017-02-16 16:07
此评论来自蚂蜂窝自由行APP蚂蜂窝自由行APP
返回顶部
意见反馈
页面底部